अंत्योदय अन्न योजना 2023: या शिधापत्रिका धारकांना मिळणार लाभ

महाराष्ट्रातील एकनाथ शिंदे सरकारने राज्यातील जनतेसाठी मोठा निर्णय घेतला आहे. त्याअंतर्गत आता नागरिकांना फक्त 100 रुपयांत रेशन उपलब्ध करून दिले जाणार आहे. सरकारच्या या योजनेचा फायदा 1.63 कोटी शिधापत्रिका धारकांना होणार आहे. यासाठी 473.58 कोटी रुपये खर्च अपेक्षित आहे.

अंत्योदय अन्न योजना 2023

सरकारने पुन्हा एकदा सर्वसामान्य गरिबांसाठी तिजोरी खुली केली आहे. शिंदे-फडणवीस सरकारने 100 रुपयांचे रेशन किट म्हणजेच ‘आनंद का रेशन’ देण्याचा निर्णय घेतला आहे. याअंतर्गत शिधापत्रिधारकांना 1 किलो रवा, 1 लिटर पामतेल, 1 किलो साखर आणि 1 किलो चणाडाळ यांचे पाकीट शासकीय शिधावाटप दुकानांवर केवळ 100 रुपयांत उपलब्ध करून दिले जाणार आहे.

राज्यातील 1 कोटी 63 लाख शिधापत्रिधारकांना त्याचा लाभ मिळणार आहे. आम्ही तुम्हाला सांगतो की, गेल्या दिवाळीला सरकारने 100 रुपयांची रेशन किट योजना सुरू केली होती. गुढीपाडवा आणि डॉ. बाबासाहेब आंबेडकर जयंतीनिम्मीत या योजनेचा लाभ नागरिकांना देण्यात आला होता.

आता पुन्हा एकदा काही महिन्यातच पात्र शिधापत्रिधारकांना सरकार ही भेट उपलब्ध करून देणार आहे.

शेतकरी आणि गरीबांना होईल फायदा

राज्य सरकार अंत्योदय अन्न योजनेच्या सर्व लाभार्थ्यांना, प्राधान्य कुटुंबांना आणि औरंगाबाद, अमरावती तसेच नागपूर, वर्धा सारख्या 14 शेतकरी आत्महत्याग्रस्त जिल्ह्यांमध्ये हे किट देणार आहे.

याशिवाय दारिद्र्यरेषेखालील आणि केसरी शिधापत्रिधारकांनाही या योजनेचा लाभ दिला जाणार आहे. हे किट ई-पास मशिनद्वारे रेशन दुकानांवर अनुदानित दरात उपलब्ध होईल. ई-पास प्रणाली उपलब्ध नसल्यास, ऑफलाईन पद्धतीने रेशन किटचे वितरण केले जाईल.

या योजना पाहिल्यात का?

> महाराष्ट्र रोजगार भत्ता योजनेअंतर्गत प्रतिमहिना मिळणार 5000 रुपये

> Pradhan Mantri Kaushal Vikas Yojana 4.0: असा करा ऑनलाईन अर्ज

> Namo Kisan Yojana: या शेतकर्‍यांना मिळणार दरवर्षी १२,००० रुपये

योजनेवर 473 कोटींचा खर्च करण्यात येणार

सरकार महाटेंडर्स या ऑनलाईन पोर्टलद्वारे रेशनचे हे गिफ्ट पॅकेट खरेदी करेल. निविदा प्रक्रियेतही सुधारणा करण्यात आली आहे. याअंतर्गत 21 दिवसांऐवजी आता 15 दिवसांत निविदा प्रक्रियेद्वारे हे किट खरेदी केले जाणार आहे. यासाठी एकूण 473 कोटी 58 लाख रुपये खर्चास शासनाने मान्यता दिली आहे.

उर्ध्वा प्रवरा प्रकल्पाला गती मिळणार

अहमदनगर जिल्ह्यातील अकोले तालुक्यातील शेकर्‍यांनाही दिलासा मिळण्याची अपेक्षा आहे. येथील उर्ध्वा प्रवरा प्रकल्पाला गती देण्यासाठी 5177.38 कोटी रुपयांच्या सुधारित खर्चास मंत्रिमंडळ बैठकीत मान्यता देण्यात आली आहे. या प्रकल्पामुळे 68 हजार हेक्टर क्षेत्रात सिंचनाची सुविधा उपलब्ध होणार आहे.

Leave a Comment